Guverineri Kayitesi yashimye gahunda yo guhuza ubutaka asaba kwihutisha kubaka ubwanikiro bw’ibigori

 Ubwo yasura Akarere ka Nyaruguru mu rwego rwo gusuzuma uko imihigo ya 2020/2021 mu gihe gisaga amezi atandatu (6) imaze ishyirwa mu bikorwa, Guverineri w’Intara y’Amajyepfo  Madamu Kayitsi Colette yashimwe imbaraga zashyizwe mu guhuza ubutaka  no gutunganya ibishanga kuri ubu bihinzeho ibigori  bibereye ijisho asaba ko hakwihutishwa iyubakwa ry’ubwanikiro bw’ibigori buzifashishwa..

 Mu butumwa yatanze ubwo yasura aka karere kuwa  04Gashyantare 2021 , Guverineri Kayitesi yasabye ko hashyirwa imbaraga zidasanzwe mu kwihutisha kubaka ubwanikiro bw’ibigori   no gukangurrira abahinzi kwirinda  kotsa umusaruro kugira ngo uyu musaruro utazabanyura mu myanya y’inkoki

Mu karere ka Nyaruguru  hamaze gutunganywa  ubuso  bw’ibishanga  busaga hegitari 512 na hegitari 120 zikaba ziri gutunganywa muri uyu mwaka w’ingengo y’imari wa 2020/2021  na hegitari 5271 z’amaterasi    aho ubuyobozi bwigishije abaturage uburyo bwo guhinga kijyambere  hifashishijwe imbuto z’indobanure n’inyongeramusaruro zabugenewe .

Kubera ubwoyongere bw’umusaruro, abahinzi barabwa  kwitegura gufata neza  umusaruro  w’ibigori byahinzwe mu gihembwe cy’ihinga 2021 A  ku buso busaga 7031 kugira ngo uzabashe guhiga undi ku isoko  ( Ubwinshi n’ubwiza ) kuko ko burya ngo  Akeza karigura”.

 Kugira ngo abahizni bazabashe kubona umusaruro mwiza , barasabwa gusarura ibigori  byeze neza kandi bakabyanika mu bwanikiro  bw’ibigori bwateguwe dore ko n’aho bitari buri ubu buri kubakwa, kwirinda kunyagiza umusaruro, kwirinda kawanika ibigoro hasi, kwanika ibigori  kuri za shitingi, gupima ubuhehere bw’ibigori mbere yo kubishyira mu mifuka yabugenewe no gutereka imifuka y’ibigori  ku mbaho kugira ngo itagira aho ihurira n’ubukonje bwo hasi. Ibi byose bikorwa mu rwego rwo kwirinda uruhumbu  mu bigori rushobora guterwa indawara zitari nke.

 Ingufu zashyizwe mu  buhanzi bugamije  gufasha abaturage b’Akarere ka Nyaruguru  kwihaza mu biribwa  ndetse no gusagurira isoko, umusaruro w’ibigori kuri ubu uiheze kuri  toni  zigera hafi kuri 4 kuri hegitari, ibirayi kuri toni  zirihagati ya 25-28 kuri hegitari, ibyishyimbo toni 2.2 kuri hegitari  naho ingano zikaba  ari toni 3 kuri hegitari.

Muri rusange ubuso buriho ibihingwa bitandukanye  ( ibigori, ibirayi, ingano,… ku buryo buhuje ni  hegitari  ibihumbi mirongo itatu n’icyenda(ha 39000)

.